ዔ

ዔላ፤

መዕቆሪ ማይ። ኣብቲ ማይ ዘይሃርመሉ ወርሓት ማይ ንምዕቛር ኣብ መሬት ዚኵዓት ጉድጓድ፡ ዔላ ይብሃል። ውሽጡ ኸኣ ተነዲቑ ይዳሎ ነበረ። እቲ ዔላ ገፊሕን ዓሚቝን እንተ ኾነ፡ እቲ ማይ ከይበላሾ ኣፉ ኣጽብብ ኣቢልካ ምስርሑ የድሊ ነበረ። ሓደ ዔላ ብማይ ዝናብን ብወሓዚ ማይን ምስ መልኤ ብሓደ ገፊሕ እምኒ ወይ ናይ ዕንጨይቲ መኽደኒ ይዕጾ። ዮሴፍን ኤርምያስን ማይ ኣብ ዘይነበራ ዔላ ተደርበዩ (ዘፍ.37፡22። ኤር.38፡6)። ኣብ የሩሳሌም መዕቖሪ ማይ ዚኸውን ብዙሕ ዔላታት ከም ዝነበረ ንርኢ (2ነገ.1831)። ዑዝያ ኣብቲ ቖላ ዝኾነ ሃገር መዕቖሪ ማይ ዚኸውን ብዙሕ ዔላታት ኣዅዓተ (2ዜና.26፡10)።
ማይ ዚፍልፍል ጉድጓድ። ኣብቲ ኣብ ዙርያኡ ርባ ዘይርከቦ ቦታ፡ ማይ ክሳዕ እትረክብ ዚኮዓት ጉድጓድ። ዔላ ምስ ተዃዕተ ነቲ ውሽጣዊ ኽፍሉ እምኒ ጌርካ ተኽብቦ፡ ብዓቢ እምኒ ኸኣ ይኽደን (ዘፍ.29፡2-10)። ኣብ ልዕሊ እቲ ዔላ መገለሊ ጌርካ እትግልለሉ ሰፈር ይግበሮ፡ ወይ ከኣ ሰብ ወሪዱ ካብ ታሕቲ ማይ ምእንቲ ኪቐድሕ ዚወርደሉን ዚድይበሉን መሳልል ይንደቖ። እቲ ኣገልጋሊ ኣብርሃም ንርብቃ ማይ ካብ ዔላ ኽትቀድሕ ከላ ረኸባ (ዘፍ.24፡11፥18)። ይስሃቅ ኣብ ጌራር ብዙሕ ዔላታት ኣዅዓተ (ዘ26፡17-25)። ክርስቶስ ምስታ ሳምራዊት ሰበይቲ ኣmበ ጥቓ ዔላ ተዘራረበ (ዮሃ.4፡6-7)። ነብዪ ኤርምያስ ነቲ ኹነታት ኣምልኾ እግዚኣብሄር ብፈልፋሊ ዔላ ገይሩ ይምስሎ (ኤር.2፡13)።

ዔቅሮን፤
ካብ ኩላተን ከተማታት ፍልስጥኤማውያን ናብ ይሁዳ ዝቐረበት ከተማ። ንጉስ ኣሓዝያ ምስ ሓመመ ንኣምላኽ ዔቕሮን ኪሓትት ልኡኻት ለኣኸ (2ነገ.1፡2-3)። ካ 5 ሰ። ﷽ኣስቃሎን﻾ ተመልከት።

ዔባል፤
﷽ጌሪዝምን ዔባልን﻾ ተመልከት።

ዔብድ-ሜሌክ ወይ ኣቢሜሌክ፤
ዔብድ-ሜሌክ ኣገልጋሊ ንጉስ ማለት እዩ። እዚ ሰብ እዚ ንነብዪ ኤርምያስ ካብ ሞት ዘድሓነ ስሉብ ኢትዮጵያዊ እዩ። እቶም ጸላእቲ ኤርምያስ ቃል እግዚኣብሄር ኪሰምዑ ስለ ዘይደልዩ ብፍቓድ ንጉስ ጼድቅያስ ንኤርምያስ ናብ ዔላ ደርበይዎ (ኤር.38፡7)። ዔብድ-ሜሌክ እቲ ስሉብ ግና ሕያውነት ተግባር ብምግባሩ ንኣምላኽ ስለ ዘገልገለን ኣብ ኣምላኽ ስለ እተኣመነን፡ ኣምላኽ ካብቲ ናብታ ኸተማ ኬውርዶ መዲቡ ዝነበረ መቕጻዕቲ ከም ዜድሕኖ ብኣፍ ኤርምያስ ተስፋ ኸም ዝሃቦ ነንብብ (ኤር.39፡15-18)። ኣብ መ.ቅ. ኣቢሜሌክ ተባሂሎም እተሰምዩ ካልኦት ሰባትውን ኣለው፤

ብዘበን ኣብርሃም ዝነበረ ንጉስ ጌራር (ዘፍ.21፡22-34)።
ብዘበን ይስሃቅ ዝነበረ ንጉስ ጌራር (ዘፍ.26)።
ሰብዓ ኣሕዋቱ ኣብ ልዕሊ ሓደ እምኒ ዝቐተለ ወዲ ጊዴዎን (መሳ.8፡31፤ 9)።
ካህን (1ዜና.18፡16)።

ዔን-ሮጌል፤
ርባ ቄድሮንን ርባ ሄኖንን ዚራኸቡሉ ኣብ ወገን ደቡብ የርሳሌም ዚርከብ ዔላ ማይ። ዶብ ብንያምን ይሁዳን ክሳዕ ዔን-ሮጌል ይበጽሕ ነበረ (እያ.18፡16)። ዮናታንን ኣሒምዓጽን ኣብ ዳዊት ወረ ንምብጻሕ ምእንቲ ኪኽእሉ ኣብ ዔን-ሮጌል ተሓቢኦም ነበሩ (2ሳሙ.17፡17-22)። ኣዶንያ ኣብ ዔን-ሮጌል ኣብ ልዕሊ ሰሎሞን ሓው ተግባር ዓመጽ ኪገብር ፈተነ (1ነገ.1፡9)።

ዔን-ዶር፤
ኣብ መንጎ ናዝሬትን ከረን ታቦርን ዝነበረት ከተማ። ሳኦል ነታ መንፈስ ጥንቆላ ዝነበራ ሰበይቲ ኺጥይቕ ናብ ዔን-ዶር ከም ዝኸደ ነንብብ (1ሳሙ.28፡7)።

ዔን-ጌዲ፤
ካብ መሳዳ 18 ኪ.ሜ. ርሒቑ ኣብ ወገን ሰሜን ዚርከብ ፈልፋሊ። ኣብ ገምገም ባሕሪ ጨው ኣብ ወገን ምዕራብ ካልእ ፈልፋሊ የልቦን። ዳዊት ካብ ሳኦል ሃዲሙ ኣብ ዔን-ጌዲ ተሓብኤ (1ሳሙ.24፡2፤ 24፡3-8)። ኣብዚ ቦታ እዚ ዮሳፋጥ ንጸላእቱ ሰዓረ (2ዜና.20፡2)።

ዔጽዮን-ጋበር፤
ኣብ ገምገም ባሕሪ ኤርትራ ኣብ ጥቓ ኤላት ዘላ ኸተማ። ንጉስ ሰሎሞን ኣብዛ ኸተማ እዚኣ መራኽብ ይሰርሕ ነበረ (1ነገ.9፡26)። ዔጽዮን-ጋበር ሎሚውን ወደብ ኮይና ኣላ። ካ 2 በ።

ናይ መጽሓፍ ቅዱስ መዝገበ ቃላት

ዔ